Созданный 2020.07.13 
Информируем, что с 1 сентября 2020 года в Посольстве Литовской Республики в Республике Беларусь будет временно приостановлена регистрация лиц на прием по вопросам гражданства Литовской Республики.
 

20 лютага 2020 г. у Галерэі сучаснага мастацтва "Ў" была прадстаўленая выстава творчасці аднаго з найбольш знакамітых літоўскіх мастакоў Альгіса Грышкявічуса "Паралельныя ўяўленні".

З нагоды 102–годдзя аднаўлення Літоўскай дзяржавы, у мінскай мастацкай галерэі "Універсітэт культуры" адкрылася выстава фотаздымкаў Зянонаса Някрошуса і Віргіліюса Усінавічуса "Шлях да Свабоды. Літва ў 1988–1991 гады“.

6 лютага 2020 г. у Нацыянальным цэнтры сучасных мастацтваў амбасада Літоўскай Рэспублікі ў Беларусі прадставіла выставу фотаздымкаў знакамітага літоўскага фотамастака Саўлюса Журы “Віленскія гарызонты”.

Дзеці з суполкі літоўцаў Беларусі, разам са сваімі аднагодкамі з Латвіі, Польшчы, Калінінградскай вобласці і Украіны прынялі ўдзел у калядным свяце з елачкай у Прэзідэнтуры, дзе сустрэліся з першай лэдзі Літвы Дыянай Наўседзене.

З падыходам года да заканчэння і набліжэннем Калядаў, амбасада Літоўскай Рэспублікі ў Мінску запрасіла маленькіх літоўцаў на святочны калядны ранішнік з сапраўдным Дзедам Марозам, Зімой і мноствам разнастайных сюрпрызаў.

З нагоды набліжэння святаў, амбасада Літоўскай Рэспублікі ў Беларусі запрасіла мясцовых дыпламатаў замежных краін, прадстаўнікоў культуры, мастацтва, навукі і грамадскіх дзеячаў на традыцыйны ўжо Калядны вечар, падчас якога, пад музыку сучаснага джазавага квартэта „The Schwings“ пад кіраўніцтвам Рэмігіюса Ранчыса, былі падведзеныя вынікі гэтага году і прадстаўленыя планы году наступнага.

29 лістапада 2019 г. амбасада Літоўскай Рэспублікі ў Беларусі арганізавала ў Пялесе сустрэчу мясцовых літоўскіх суполак, падчас якой былі абмеркаваныя галоўныя праблемы літоўскіх суполак у Беларусі.

15 лістапада 2019 г. у беларускай галерэі сучаснага мастацтва адкрылася выстава твораў вядомай літоўскай мастачкі-графіка Крысціны Нарвілайтэ-Генюшэне „Усё табе скажу“.

31 кастрычніка 2019 г. у Музеі гісторыі беларускага кіно ў Мінску амбасада Літоўскай Рэспублікі ў Рэспубліцы Беларусь пры супрацоўніцтве з Літоўскім архівам літаратуры і мастацтва прадставіла выставу пра знакамітага літоўскага актора і рэжысёра тэатра, кіно і тэлебачання Данатаса Банёніса “Салярыс. Данатас Банёніс”.

Спектакль “Плошча герояў” Літоўскага нацыянальнага драматычнага тэатра стаў акцэнтам міжнароднай праграмы тэатральнага фестываля „TEART“, які адбываецца ў Беларусі штогод і ў гэтым годзе праходзіць з 20 верасня па 8 кастрычніка.

3 кастрычніка 2019 г. у галерэі “Арт-Беларусь” амбасада Літоўскай Рэспублікі ў Беларусі прадставіла выставу жывапісу вядомага літоўскага мастака і графіка Рамунаса Чапоніса „Abstract Mind“.

3 кастрычніка 2019 г. у мінскай мастацкай галерэі “Інстытут культуры” амбасада Літоўскай Рэспублікі ў Беларусі прадставіла выставу фотаздымкаў аднаго з найбольш вядомых літоўскіх фотамастакоў Альгімантаса Александравічуса “Тварапіс племені”.