Тэмы Адзначыць усе навіныАдзначцыць усе навіны

Як нас знайсці

АМБАСАДА ЛІТОЎСКАЙ РЭСПУБЛІКІ Ў РЭСПУБЛІЦЫ БЕЛАРУСЬ

Aдрас: ul. Zacharova 68, 220088 Minsk, BELARUS

Больш падрабязна »

Тэл. +375 17 285 24 48; +375 17 285 24 49 - konsulskije voprosi; +375 17 217 64 91
Факс +375 17 285 33 37; (konsulskij otdel: +375 17 285 31 74)
Эл. пошта

Літоўцы Беларусі абмеркавалі ў Мінску пытанні нацыянальнай ідэнтычнасці

Выканана 2018.06.12 / Адноўлена: 2018.06.12 10:45
      Літоўцы Беларусі абмеркавалі ў Мінску пытанні нацыянальнай ідэнтычнасці
      Літоўцы Беларусі абмеркавалі ў Мінску пытанні нацыянальнай ідэнтычнасці
      Літоўцы Беларусі абмеркавалі ў Мінску пытанні нацыянальнай ідэнтычнасці

      9 чэрвеня 2018 г. у Амбасадзе Літоўскай Рэспублікі ў Мінску прайшла канферэнцыя „Дыялог народаў: Літоўцы ў Беларусі”.

      У канферэнцыі прымалі ўдзел прадстаўнікі Міністэрства замежных спраў і Міністэрства адукацыі Літоўскай Рэспублікі, Рэспубліканскага цэнтра нацыянальных культур,  Мінскага гарвыканкама і іншых устаноў, што працуюць з нацыянальнымі меншасцямі, а таксама літоўскія і беларускія навукоўцы, якія вывучаюць пытанні, звязаныя з літоўскай нацыянальнай меншасцю ў Беларусі, і прадстаўнікі літоўскай супольнасці.

      Падчас сустрэчы былі прадстаўленыя паведамленні пра літоўцаў Віцебскай і Магілёўскай абласцей, прайшлі дыскусіі на тэмы захавання этнічна-культурнай спадчыны беларускіх літоўцаў, абмеркаваныя праблемы змяшаных сем’яў. Па словах амбасадара Літоўскай Рэспублікі ў Беларусі Андруса Пулокаса, у гэтым годзе, калі адзначаецца 100-годдзе аднаўлення Літоўскай дзяржавы, як ніколі важным робіцца пытанне захавання літоўскай ідэнтычнасці ў замежжы. „Сёння наша задача – не толькі захоўваць і ўмацоўваць яшчэ існуючыя літоўскія “астраўкі” у Беларусі, але і імкнуцца, каб усе літоўцы, што жывуць у гэтай краіне, асабліва моладзь, не гублялі сувязі са сваёй радзімай” – адзначыў амбасадар.

      На дадзены момант у Беларусі жыве каля пяці тысяч літоўцаў, дзейнічаюць літоўскія суполкі Гродна, Літвы, Мінска, Пялесы і Рымдзюнаў, працуюць дзве сярэднія школы з літоўскай мовай навучання ў Пялесе і Рымдзюнах, некалькі нефармальных адукацыйных устаноў літуаністыкі і грамадскіх арганізацый.

      Падпіска