Тэмы Адзначыць усе навіныАдзначцыць усе навіны

Як нас знайсці

АМБАСАДА ЛІТОЎСКАЙ РЭСПУБЛІКІ Ў РЭСПУБЛІЦЫ БЕЛАРУСЬ

Aдрас: ul. Zacharova 68, 220088 Minsk, BELARUS

Больш падрабязна »

Тэл. +375 17 285 24 48; +375 17 285 24 49 - konsulskije voprosi; +375 17 217 64 91
Факс +375 17 285 33 37; (konsulskij otdel: +375 17 285 31 74)
Эл. пошта

У Мінску прадстаўлены досвед супрацоўніцтва ўлады і бізнесу Літвы

Выканана 2017.11.10 / Адноўлена: 2017.11.10 14:42
      У Мінску прадстаўлены досвед супрацоўніцтва ўлады і бізнесу Літвы
      У Мінску прадстаўлены досвед супрацоўніцтва ўлады і бізнесу Літвы

      9 лістапада гэтага года амбасадар Літоўскай Рэспублікі ў Беларусі Андрус Пулокас і камерцыйны аташэ Юліюс Глебавас прымалі ўдзел у арганізаваным Канфедэрацыяй бізнесу Літвы сумесна з Асацыяцыяй Еўрапейскага Бізнесу ў Беларусі семінары „Павышэнне якасці дыялогу паміж арганізацыямі падтрымкі бізнесу і органамі ўлады – інклюзіўнае прыняцце рашэнняў“.

      У сваім вітальным слове амбасадар Андрус Пулокас падкрэсліў важнасць актыўнага дыялогу паміж бізнесам, бізнес-асацыяванымі структурамі і органамі ўлады. Адзначалася, што на ўзроўні ўрадавых і абласных органаў выканаўчай улады супрацоўніцтва вядзецца досыць паспяхова, аднак на ўзроўні гарадоў і раёнаў яшчэ дакладна ёсць прастора для ўдасканальвання дыялогу. Амбасадар таксама выказаў задаволенасць эканамічным супрацоўніцтвам Літвы і Беларусі, паслядоўным павелічэннем абароту тавараў і паслуг у двухбаковым гандлі, ростам экспарту літоўскіх паслуг.

      На семінары, у якім удзельнічала каля сарака прадстаўнікоў беларускіх органаў выканаўчай улады, бізнесу і бізнес-асацыяваных структур, паведамленні зачытвалі Альгімантас Аксцінас, генеральны дырэктар Канфедэрацыі бізнесу Літвы, Рэната Рачко, генеральны дырэктар Вільнюскага камерцыйнага арбітражу, Паўлюс Каверавас, старшыня Камісіі па энергетыцы і ахове навакольнага асяроддзя Канфедэрацыі бізнесу Літвы, Рычардас Бядульскіс, прадстаўнік асацыяцыі „InfoBalt“, а таксама іншыя прамоўцы.

      Гэты семінар – частка падтрыманага амбасадай Літоўскай Рэспублікі ў Мінску праекта, які заахвочвае дыялог паміж арганізацыямі падтрымкі бізнесу і органамі мясцовай улады.

      Падпіска