Балючая тэма ў інтэлектуальным клубе Святланы Алексіевіч
2 сакавіка ў Амбасадзе Літоўскай Рэспублікі ў Мінску адбылося трэцяе пасяджэнне інтэлектуальнага клуба лаўрэаткі Нобелеўскай прэміі Святланы Алексіевіч.
Галоўная госця сустрэчы – тэатразнаўца, пісьменніца, грамадскі дзеяч Рута Ванагайтэ, тэма сустрэчы “Халакост – нязручная праўда“ . Апанент Руты Ванагайтэ – беларускі навуковец, гісторык Аляксей Ліцвін.
Тое, што гэтая тэма хвалюе людзей, было відавочна не толькі з-за вялікай колькасці жадаючых патрапіць на мерапрыемства, але і з пытанняў, зададзеных суразмоўцам, выказванняў, разважанняў.
У клубе Святланы Алексіевіч праводзяцца дыскусіі на глыбінныя агульначалавечыя тэмы, тут няма ніякай палітычнай мітынговасці. Наведвальнікі клуба заахвочваюцца да больш шырокага светапогляду, прыняцця іншых меркаванняў, дыскусіі.
